فضح مقطع فيديو انتشر على مواقع التواصل الاجتماعي سياسة الكيل بمكيالين في التعامل مع المحكومين داخل سجون الانقلاب، حيث استضاف مذيع العسكر يوسف الحسيني الموسيقار هاني مهنا في برنامج "حروف الجر" عبر إذاعة نجوم FM.

وحكى هاني مهنا عن تجربته داخل سجن مزرعة طرة، التي تعرّف خلالها بجمال وعلاء، نجلي المخلوع مبارك، ووزير الداخلية الأسبق حبيب العادلي.

وقال مهنا وفق الفيديو : "دخلت لاقيت حبيب العادلي ربنا يديله الصحة، جمال وعلاء، ومجموعة ظباط، إحنا كنا كلنا على بعضنا 16 واحد قاعدين في مبنين ياخد 3 آلاف واحد، دخلت لاقيت هشام طلعت مصطفى عامل جامع حاجة صرح بالموكيت، أحمد عز عامل چيم وعامل سبا غير طبيعي، أحدث أجهزة ترابيزات البينج، ترابيزة بلياردو"، وأضاف: "روحت لبست اللبس الأزرق هانفذ بقي 5 سنين المفروض، لقيت علاء جابلي تليفزيون وشاشة، وجمال جابلي تلاجة حاجات زيادة عندهم، وكان أول مرة أقعد معاهم بقى، واتعرف عليهم عن قرب حسيت يعني إن الناس دي اتظلمو في الحكم عليهم".

وفي أكتوبر 2014، صدر حكم بسجن الموسيقار هاني مهنا 5 سنوات، بتهمة استيلاء على مال عام بعد قضية رفعتها ضده إدارة بنك إسكندرية، بسبب خلاف على إيجار استوديو يمتلكه. وفي إبريل 2015 أُفرج عنه بعد إجراء مصالحة بين الطرفين.

وأثار الفيديو تعليقات النشطاء فعلق عمرو عن تصريحه بوجود ضابط متهم بضرب عدد من المعتقلين حتى الموت، واعتباره ثروة قومية من قبل علاء مبارك قائلا: ‏"بيقولك كانت صحته كويسة وضرب واحد لحد الموت، ويوسف بيقوله ما شاء الله، هل فعلاً فعلاً حد مستني من البلد دي حاجة ؟؟". 

وكتب أحمد إبراهيم: "‏قارنه بالمساجين (معظمهم مظلومين)، بتموت داخل السجن من عدم دخول الأدوية، الإهمال الطبي، التكدس من البرد، التعذيب، وناس بتتحرم من الخروج من الزنزانة لشهور وسنين، وناس بتنحرم حتى من دخول جريدة تقرأها تكون لها ونس! المساجين دول لم يرتكبوا ١/١٠٠٠ مما ارتكبوه البهوات، دول العدالة_في_مصر". 

وأضاف محمد مجاهد: ‏"هاني مهنا في الفيديو اللي اتكلم فيه عن أيامه مع علاء وجمال والعادلي، في سجن طره فكرني بالشيخ حسني في فيلم الكيت كات، لما فضحهم في الميكروفون". 

واستكمل مصطفى فهمي: "‏طب والله الاوساذ هاني مهنى عمل اللي عليه... فضح نفسه ومبارك والمجلس السمكري، والسيسي اللي كان سمكري سابقاً بلحة حالياً، وفضح المنظومة الحاكمة في مصر، بيتكلم على أساس اظإنه ده العادي. الزتونة: الفاسد في مصر اللي هو كل المجتمع بيتعامل مع الفساد على إنه طبيعي، والطبيعي يكسب". 

وغردت داليا: ‏"الناس متفاجئة مِن كلام هاني مهنى، كإنهم أول مرة يعرفوا موضوع سجن طرة ده. سبحان الله. إن مكانش فيه أفلام موثق فيها الكلام ده". وعلقت غادة: ‏"هو أنا لو قعدت اشتم من هنا لآخر العمر، مش هايكفي ولا هايشفي غليلي، بس هاقول حسبنا الله ونعم الوكيل فيكم كلكم، منكم لله".